Իսրայելական կործանիչները հուլիսի 2-ի վաղ առավոտյան, ի պատասխան դեպի հրեական պետություն արձակված դյուրավառ և պայթուցիկ նյութերով փուչիկների, հարվածներ են հասցրել Գազայի հատվածում պաղեստինյան «ՀԱՄԱՍ» շարժման զենքի պահեստի ուղղությամբ:
«Ի պատասխան Գազայի հատվածից իսրայելական տարածքների ուղղությամբ բաց թողնված փուչիկների, որոնց նպատակն էր այրվածքներ առաջացնել, Իսրայելի պաշտպանական բանակը հարվածներ է հասցրել օբյեկտների վրա, որտեղ արտադրվել են «ՀԱՄԱՍ» ահաբեկչական կազմակերպությանը պատկանող զենքեր»,-ասված է Իսրայելի բանակի տարածած հաղորդագրության մեջ:
Իսրայելական «Քան» ռադիոկայանի հաղորդմամբ՝ հուլիսի 1-ին Գազայից արձակված փուչիկների հետևանքով Իսրայելի տարածքում 4 անտառային հրդեհ է գրանցվել:
Հետևեք մեզ տելեգրամում
