ՌԴ նախագահի մամուլի քարտուղար Դմիտրի Պեսկովը լրագրողների հետ զրույցում հայտնել է, որ ՌԴ նախագահ Վլադիմիր Պուտինը և ՀՀ վարչապետի պաշտոնակատար Նիկոլ Փաշինյանը իսկապես հանդիպման ժամանակ քննարկելու են Լեռնային Ղարաբաղի շուրջ ստեղծված իրավիճակը, սակայն ոչ մի փաստաթուղթ չեն ստորագրելու:
Հարցին, որ հայկական ԶԼՄ-ներում լուրեր են շրջանառվում, որ երկու երկրների ղեկավարները հանդիպման ժամանակ իբր կարող են դիտարկել Հայաստանի սահմանին ռուսաստանյան խաղաղապահների տեղակայման տարբերակները և ստորագրել համապատասխան փաստաթուղթ, Պեսկովն ասել է.
«Այդ տեղեկությունը չի համապատասխանում իրականությանը: Բնականաբար, Ղարաբաղ էլ է քննարկվելու, և ռուսական զինվորականների հարցը, որոնք հիմա այնտեղ են տեղակայված, կքննարկվի նաև երկկողմ հարաբերությունները։ Սակայն ոչ մի փաստաթուղթ չի նախատեսվում ստորագրել»:
Նրա խոսքով, հանդիպումը նախատեսված է օրվա երկրորդ կես:
Հետևեք մեզ տելեգրամում
