Դեկտեմբերի 27-ին Հնդկական օվկիանոսի հյուսիսային մասում և Օմանի ծոցում մեկնարկել են Իրանի, Ռուսաստանի և Չինաստանի ռազմածովային ուժերի համատեղ զորավարժությունները:
«Այս զորավարժությունների ուղերձը խաղաղությունն Է, բարեկամությունը և կայուն անվտանգությունը»,-ասել Է Իրանի ռազմածովային ուժերի ներկայացուցիչ Ղոլյամռեզա Թահանին՝ ելույթ ունենալով պետական հեռուստատեսությամբ:
Նրա խոսքով՝ վարժանքները կանցկացվեն 17 հազար քառակուսի կիլոմետր տարածքում: Զորավարժությունները կրում են «Ծովային անվտանգության գոտի» անվանումը:
Մոսկվայում Իրանի դեսպան Քազեմ Ջալալիի փոխանցմամբ` դրանց նպատակը համատեղ գործողությունների փորձարկումն Է ահաբեկչության և ծովահենության դեմ պայքարում, ինչպես նաև տարածաշրջանային անվտանգության գործում:
Իրանի զինուժի պաշտոնական ներկայացուցիչ Աբոլֆազլ Շեկարչին նշել Է, որ զորավարժությունները կտևեն չորս օր (դեկտեմբերի 27-30-ը):
Իրանի արտաքին գործերի նախարար Մոհամադ Ջավադ Զարիֆը վերջերս Մոսկվա այցի ընթացքում ընդգծել Էր, որ զորավարժություններն ուղղված չեն երրորդ երկրների դեմ: Պենտագոնը հայտարարել էր, որ ԱՄՆ-ը հետևելու Է Իրանի, Ռուսաստանի եւ Չինաստանի զորավարժություններին:
Հետևեք մեզ տելեգրամում
