Լիբանանի խորհրդարանի պատգամավորները նախագահ Միշել Աունի հետ խորհրդակցությունից հետո հաստատել են Նաջիբ Միկաթիի թեկնածությունը որպես վարչապետ: Նրա թեկնածության օգտին է քվեարկել 72 պատգամավոր: Միշել Աունը դրանից անմիջապես հետո ստորագրել է Միկաթիին վարչապետ նշանակելու հրամանագիրը և հանձնարարել նոր կառավարություն ձևավորել:
Ծագումով Տրիպոլիից միլիարդատեր Միկաթին, ակնկալվում է, որ ստանալու է նաև ԱՄՆ-ի և Ֆրանսիայի աջակցությունը: Նա 2020թ. օգոստոսի 4-ին Բեյրութում տեղի ունեցած հզոր պայթյունից հետո նշանակված երրորդ վարչապետն է, ում հանձնարարվել է ձևավորել կառավարություն:
Նշենք, որ հայկական պատգամավորական բլոկի ներկայացուցիչ, պատգամավոր Հակոբ Բագրատունին և բլոքի անդամ պատգամավորներ Հակոբ Թերզյանն ու Ալեքսանդր Մաթոսյանը նախագահ Աունի հետ խորհրդակցության ժամանակ մերժել էին առաջադրել Նաջիբ Միկաթիի թեկնածությունը:
«Նաջիբ Միկաթիի նկատմամբ մեր ունեցած հարգանքով հանդերձ՝ որոշեցինք չզորակցել որևէ թեկնածուի՝ մինչև չտեղեկանանք երկիրը ճգնաժամից դուրս բերելու նրա պատկերացումների մասին»,-ասել է Բագրատունին՝ հաջողություն մաղթելով նոր վարչապետին:
Հետևեք մեզ տելեգրամում
