Օգոստոսի 2-ին 8-րդ գումարման Ազգային Ժողովի առաջին նստաշրջանի անցկացմանը զուգահեռ սկսվել է Հայաստանի Հանրապետության կառավարության ձևավորման գործընթացը: Կառավարության անդամների նշանակումների մասին հաղորդագրությունները հրապարակվել են ՀՀ նախագահի պաշտոնական կայքում:
Հիմք ընդունելով ՀՀ վարչապետ Նիկոլ Փաշինյանի առաջարկությունները՝ օգոստոսի 2-ին նախագահ Արմեն Սարգսյանի հրամանագրով նշանակվել են 4 նախարար և մեկ փոխվարչապետ:
Փոխվարչապետ է նշանակվել Սուրեն Պապիկյանը, Պաշտպանության նախարար՝ Արշակ Կարապետյանը: Գնել Սանոսյանն, ազատվելով Գեղարքունիքի մարզպետի պաշտոնից, նշանակվել է տարածքային կառավարման և ենթակառուցվածքների նախարար:
Նարեկ Մկրտչյանը նշանակվել է աշխատանքի և սոցիալական հարցերի նախարար:
ՀՀ շրջակա միջավայրի նախարարի պաշտոնում վերանշանակվել է Ռոմանոս Պետրոսյանը:
Հետևեք մեզ տելեգրամում
