Ադրբեջանցիներն Արցախում կրկին վանդալիզմ են իրականացրել. քանդել են հին հայկական կամուրջը

Ադրբեջանցիները քանդել են Արցախի Հադրութի շրջանի Մեծ Թաղեր գյուղի պատմաճարտարապետական արժեք ներկայացնող Մակուն կամուրջն ու փորձում են փոխել գետի հունը։

Այս մասին ահազանգում է Կովկասյան ժառանգության պաշտպանության միջազգային կազմակերպությունը (Caucasus Heritage Watch)` որպես ապացույց հրապարակելով արբանյակային լուսանկարները։

Կազմակերպության Twitter–ի էջում նշվում է, որ, դիտարկման համաձայն, կամուրջն ավերվել է ապրիլի 8-ից հուլիսի 7-ն ընկած ժամանակահատվածում։

Այդ ժամանակահատվածում Մեծ Թաղեր գյուղի Մակուն կամուրջը քանդվել է գետի հունը փոխելու ու ճանապարհաշինական– ինժեներական աշխատանքների ընթացքում: Փոքր կառույցը արբանյակային պատկերներում դժվար է տեսնել ծառի ծածկույթի պատճառով, սակայն CHW- ի աղբյուրները հաստատել են դրա գտնվելու վայրը»,– նշված է կազմակերպության գրառման մեջ։

Ադրբեջանի իրականացրած մշակութային վանդալիզմը դարձել է գրեթե անվերահսկելի. Դավիթ Բաբայան
Կովկասյան ժառանգության պաշտպանության միջազգային կազմակերպությունը նաև հայտնում է, որ կամուրջը կառուցվել էր 1890 թվականին` կոպիտ սրբատաշ քարերով, Իշխանագետ գետի մի փոքր վտակի վրա:

«Կամրջի ճակատային հատվածում տեղադրված էր է հայերեն մակագրություն « Ի հիշատակ Ղազար Հարություն Բեջանիանց»: Ցուցանակը ժամանակի ընթացքում ընկել էր, իսկ 2009թ–ին հայտնաբերվել հուշարձանագետ Սամվել Կարապետյանի կողմից ու տեղափոխվել Մեծ Թաղեր գյուղի թանգարան»,– արձանագրում է CHW-ը։

Կազմակերպությունը նաև հայտնում է, որ 2020 թվականի պատերազմից հետո դրա գտնվելու վայրն ու վիճակն անհայտ է:

Between April 8 and July 7, the Makun Bridge in Mets Tagher/Böyük Tağlar was destroyed in the course of river engineering and road construction. The small structure is difficult to see in satellite imagery due to tree cover, but CHW’s sources have confirmed its location. 1/3 pic.twitter.com/wvfz9MxK6n
— CaucasusHeritageWatch (@CaucasusHW) August 31, 2021