«Կովկասում Իրանի պասիվ ներկայությունը դաշտ է բացում այլ խաղացողների, այդ թվում՝ ՆԱՏՕ-ի անդամ Թուրքիայի և սիոնիստական ռեժիմի համար, որն Իրանի ազգային անվտանգության համար լուրջ սպառնալիք է համարվում: Արդյո՞ք ժամանակը չէ, որ երկրի ռազմաքաղաքական ղեկավարությունը Հարավային Կովկասում ազդեցիկ ներկայություն ունենալու համար քաղաքականություն որդեգրի»:
Այս մասին գրված է միջազգային հարաբերությունների հարցերով հայազգի փորձագետ Գեղարդ Մանսուրյանի հոդվածում՝ «Հարավային Կովկասը և Իրանի ներկայության բացակայությունը» վերտառությամբ, որը հրապարակվել է Իրանական Irdiplomacy վերլուծական կայքում:
Հոդվածագիրը նշել է, որ տարածաշրջանային խաղացողները, ինչպիսին է ՝ Թուրքիան, և արտատարածաշրջանային ուժերը, ինչպիսին են ԱՄՆ-ն, ԵՄ-ն, Իսրայելը ջանում են Իրանին դուրս թողնել Կովկասից:
Նա մասնավորապես շեշտել է, որ Գորիս-Կապան ավտոճանապարհը շնչուղի է Հայաստանի և Իրանի համար, և դրա սահմանափակումը վնասում է ոչ միայն Հայաստանին, այլև Իրանի անվտանգությանը, տնտեսությանն ու տարածաշրջանում նրա հեղինակությանը:
Հետևեք մեզ տելեգրամում
