Ադրբեջանը անազատ համացանց ունեցող երկրների ցանկում է։ Այս մասին նշված է Freedom House միջազգային իրավապաշտպան կազմակերպության հրապարակած «Համացանցի ազատություն 2021» տարեկան հաշվետվության մեջ:
Իրավապաշտպանների հաշվետվությունում վերլուծվել է համացանցի ազատության հետ կապված իրավիճակը վեց աշխարհամասերի 70 երկրներում։ Հավաքելով 35 պայմանական միավոր՝ Ադրբեջանը ներառվել է անազատ համացանց ունեցող երկրների ցանկում։
Պաշտոնական Բաքուն հերքում է համացանցի գրաքննության մեղադրանքները՝ հայտարարելով, որ համացանցն Ադրբեջանում ամբողջությամբ ազատ է։
Այնուամենայնիվ, ներկա պահին Ադրբեջանում տեղական դատարանների որոշմամբ արգելափակվել են մի քանի անկախ լրատվամիջոցների կայքեր։ Իսկ վերջերս հայտնի է դարձել, որ Ադրբեջանի իշխանությունը գաղտնալսում է տասնյակ քաղաքական ակտիվիստների և լրագրողների՝ Pegasus լրտեսական ծրագրի միջոցով։
Հետևեք մեզ տելեգրամում
