Բայդենի խորհրդականը մեկնել է Սաուդյան Արաբիա

ԱՄՆ նախագահ Ջո Բայդենի խորհրդական Ջեյք Սալիվանը սեպտեմբերի 27-ին մեկնել է Սաուդյան Արաբիա։ Այս մասին հայտարարել են ԱՄՆ պաշտոնյաները։

Ինչպես հաղորդում են արաբական ԶԼՄ-ները՝ նախատեսվում է, որ Ռիյադում խորհրդականը հանդիպելու է Սաուդյան Արաբիայի թագաժառանգ Մուհամմադ բըն Սալմանի հետ։ Երկու կողմերը քննարկելու են Եմենում տիրող իրավիճակը։

Սալիվանը լինելու է Բայդենի վարչակարգի ամենաբարձրաստիճան պաշտոնյան, ով այցելել է Սաուդյան Արաբիա։ Բացի թագաժառանգից, խորհրդականը հանդիպելու է նաև Սաուդյան Արաբիայի ՊՆ նախարարի հետ։