Իսրայելի արտգործնախարար Յաիր Լապիդը հոկտեմբերի 12-14 պաշտոնական այցով մեկնելու է Վաշինգտոն: Այս մասին հաղորդում է իսրայելական The Times of Israel լրատվական գործակալությունը:
Գործակալության փոխանցմամբ՝ երկկողմ հանդիպմանը քննարկվելիք հարցերի օրակարգի վերաբերյալ պաշտոնական որևէ հայտարարություն չի արվել: Սակայն նախատեսվում է, որ եռօրյա այցի շրջանակներում Լապիդը հանդիպելու է ԱՄՆ պետքարտուղար Էնթոնի Բլինկենի հետ:
Կողմերը քննարկելու են Իրանի միջուկային ծրագրի շուրջ 2015թ.-ի Վիեննայի բանակցությունների վերսկսման անհրաժեշտությունը:
Նշենք, որ հոկտեմբերի 6-ին ՌԴ արտգործնախարար Սերգեյ Լավրովի հետ համատեղ մամուլի ասուլիսի ժամանակ Իրանի ԱԳ ղեկավար Ամիր Աբդոլլահիանը հայտարարել էր, որ Իրանը «շուտով վերսկսելու է Վիեննայի բանակցությունները»:
Հետևեք մեզ տելեգրամում
