Լիբանանի խորհրդարանը հոկտեմբերի 19-ին որոշում է ընդունել 2022թվականի մարտի 27-ին խորհրդարանական ընտրություններ անցկացնելու մասին, գրում է Al Jazeera-ն:
«Ընտրությունները անցնելու են թափանցիկ և արդար»,- հայտարարել է Լիբանանի վարչապետ Նաջիբ Միկաթին Բեյրութի ՅՈՒՆԵՍԿՕ-ի պալատում:
Ինչպես հաղորդում է աղբյուրը՝ խորհրդարանում ավելացվելու է ևս վեց տեղ լիբանանյան սփյուռքը ներկայացնողների համար: Կանանց նույնպես տեղ է հատկացվելու երկրի նոր խորհրդարանում:
Լիբանանյան սփյուռքը ողջունել է իրենց ներկայացուցիչների համար հատկացվելիք վեց տեղերի ավելացումը երկրի խորհրդարանում, մինչդեռ ընդդիմադիր ուժերը այս որոշումը համարել են «ոչ անհրաժեշտ»:
Նշենք, որ խորհրդարանական ընտրություններն անցկացվելու են առաջին անգամ 2019 թվականի Բեյրութի հայտնի ցույցերից հետո, երբ հարյուր հազարավոր քաղաքացիներ պահանջում էին արմատապես փոփոխել երկրի տնտեսական և քաղաքական ստատուս քվոն:
Հիշեցնենք, որ ընտրությունները պետք է տեղի ունենային մայիս ամսին: Սակայն դեռևս ընթացիկ տարվա սեպտեմբեր ամսից լիբանանցի պաշտոնյաները քննարկում էին ընտրությունների օրը փոփոխելու հնարավորությունը՝ խուսափելու իսլամական Ռամադան պահքի ամսին դրանք անցկացնելուց:
Հետևեք մեզ տելեգրամում
