Թուրքական զինված ուժերն Իդլիբ են տեղափոխել նոր զինտեխնիկա: Այս մասին տեղեկացնում է սիրիական SANA լրատվական գործակալությունը:
Աղբյուրի հաղորդմամբ՝ թուրքական զինված ուժերը հավելյալ 31 միավոր զինտեխնիկա են տեղափոխել Իդլիբ՝ ներառյալ զրահապատ մեքենաներ և բեռնատարներ: Ռազմական շարասյունը Սիրիա է մտել Թուրքիայի և Սիրիայի միջև գտնվող Քաֆր-Լուսին սահմանային անցակետով:
«Նոր զինտեխնիկան Սիրիա է բերվել Իդլիբ քաղաքում սիրիական բանակի դեմ ռազմական օպերացիա անցկացնելու համար»,- նշում է գործակալությունը:
Աղբյուրը հավաստում է, որ նոր բերված զինտեխնիկայի շարքում են նաև ՆԱՏՕ-ի կողմից արտադրված հակատանկային կառավարվող հրթիռներ և հակաօդային պաշտպանության տարբեր համակարգեր:
Ավելի վաղ՝ թուրքական ԶՈՒ-ն ռազմական լրացուցիչ ուժեր և զինտեխնիկա էր տեղափոխել և տեղակայել Իդլիբի հարավային հատվածներում՝ Ջաբալ Ալ- Զավիայում, ինչպես նաև Հալեպի արմտյան արվարձաններում:
Հիշեցնենք, որ Թուրքիայի նախագահ Էրդողանի հոկտեմբերի 21-ին հայտարարել էր, որ չի բացառում սիրական Իդլիբ նահանգում ծանր զինտեխնիկայի կիրառումը՝ «ահաբեկիչների» դեմ պայքարելու համար:
«Մենք չենք կարող թույլ տալ, որ այս գործն ինքնահոսի մատնվի»,- հայտարարել էր նախագահը:
Հետևեք մեզ տելեգրամում
