Լիբանանի ԱԳ նախարար Աբդալլահ Բուհաբիբը հոկտեմբերի 24-ին հայտարարել է, որ Արժույթի միջազգային հիմնադրամի հետ բանակցությունները ամենայն հավանականությամբ մեկնարկելու են նոյեմբերին: Այս մասին նա հայտարարել է լիբանանյան Al Jadeed TV-ին տված հարցազրույցում:
Ավելի վաղ Էկոնոմիկայի նախարար Ամին Սալամը հայտնել էր, որ նոր կառավարությունը ամեն ինչ անելու է Արժույթի միջազգային հիմնադրամի հետ բանակցությունները սկսելու և մինչև տարեվերջ համաձայնագիր կնքելու համար:
Լիբանանի արտգործնախարարը հարցազրույցում նաև անդրադարձել է Լիբանանի և Իսրայելի միջև ծովային սահմանի հիմնախնդրին՝ ասելով, որ նա «դրական էր տրամադրված համաձայնության հասնելու համար»:
Նշենք, որ Լիբանանը և Իսրայելը համաձայնության չեն գալիս ծովային դեմարկացիա իրականացնելու համար, քանի որ բանակցությունները կարող են Լիբանանին հնարավորություն տալ օգտագործել սահմանային հատվածում առկա գազի պաշարները: Իսրայելը և Լիբանանը ԱՄՆ-ի միջնորդությամբ բանակցություններ էին վարում, սակայն վերջնական համաձայնագիր դեռ չի կնքվել
Հետևեք մեզ տելեգրամում
