ԵԱՀԿ Մինսկի խմբի ֆրանսիացի նոր համանախագահ է նշանակվել

ԵԱՀԿ Մինսկի խմբի ֆրանսիացի նոր համանախագահ է նշանակվել Բրիս Ռոքֆեյլը: Այս մասին տեղեկանում ենք Ֆրանսիայի կառավարության պաշտոնական կայքից:

Մինչ նոր նշանակումը Բրիս Ռոքֆեյլը ղեկավարում էր Ուզբեկստանում Ֆրանսիայի դիվանագիտական առաքելությունը (2020 թվականի սեպտեմբերից)։ Մինչ այդ նա Ֆրանսիայի դեսպանն էր Պանամայում և գլխավոր հյուպատոսը Ռիո դե Ժանեյրոյում։

2000-ականների սկզբին և կեսերին Բրիս Ռոքֆեյլը Ռուսաստանում և Թուրքիայում Ֆրանսիայի դեսպանատների քաղաքական խորհրդական էր: