Ղազախստանի մայրաքաղաք Նուր-Սուլթանում անցկացվելու է սիրիական հակամարտության շուրջ բանակցությունների հաջորդ փուլը: Այս մասին նոյեմբերի 4-ին հաղորդել է Ղազախստանի արտգործնախարար Մուխտար Տլեուբերդին:
«Մենք ստացել ենք երաշխավոր երկրների (ՌԴ, Թուրքիա, Իրան) դիմումը՝ խնդրելով կազմակերպել Աստանայի գործընթացի հաջորդ բանակցությունները»,-ասել Է Տլեուբերդին՝ ավելացնելով, որ բանակցությունների անցկացման հստակ ամսաթվերը դեռ քննարկվում են, սակայն մոտավորապես դեկտեմբերի կեսերին կմեկնարկեն:
Նրա խոսքով՝ երաշխավոր երկրները կներկայացվեն նախարարների տեղակալների մակարդակով: Հանդիպմանը ներկա են լինելու Սիրիան, երաշխավոր երկրները՝ ՌԴ, Թուրքիա և Իրանը, հրավիրվելու են նաև դիտորդներ:
Նշենք, որ 2017 թվականին Նուր-Սուլթանում սիրիական հակամարտության կարգավորման շուրջ անցկացվում են բանակցություններ, որոնք հայտնի են որպես «Աստանայի ձևաչափ» անվանումով (Ղազախստանի մայրաքաղաքի նախկին անվանմամբ): «Աստանայի ձևաչափի» շրջանակներում անցկացվել են 16 հանդիպումներ, որից մեկը Ռուսաստանում՝ Սոչի քաղաքում:
Հետևեք մեզ տելեգրամում
