Իրանի «Իսլամական հեղափոխության պահապանների կորպուսի» օդատիեզերական ուժերի հրամանատար, բրիգադային գեներալ Ամիրալի Հջիզադեն հայտարարել է, որ Իրանի նկատմամբ զենքի էմբարգո սահմանելու թշնամու փորձերը ձախողվել են, գրում է իրանական Mehr-ը:
Գեներալի խոսքով՝ Իրանի ռազմական ուժը սահմանափակելուն ուղղված ցանկացած բանակցություն ապարդյուն է՝ մատնանշելով իրանցի փորձագետների արտադրած անօդաչու սարքերը:
«Այսօր երկրի անվտանգությունն օրինակ է ծառայում, և մենք մեր ռազմական հզորության չափի շուրջ բանակցելու կարիք չունենք: Իսլամական Հանրապետության անօդաչուները մեր թշնամիների աչքի փուշն են դարձել»,- ասել է իրանցի գեներալը հինգշաբթի՝ իրանական հրթիռային արդյունաբերության հիմնադիր Հասան Թեհրանի Մողադամի նահատակության 1-րդ տարելիցին նվիրված արարողության ժամանակ:
Հետևեք մեզ տելեգրամում
