Թուրքիայի զինված ուժերը հավելյալ զինամթերք և սպառազինություններ են տեղափոխել Իդլիբի արվարձանում գտնվող Ջաբալ Ալ- Զավիյա հատված, գրում է SANA-ն:
Տեղական աղբյուրները հաղորդել են SANA-ին, որ թուրքական ԶՈՒ-ն տարբեր տեսակի սպառազինություններով և զինամթերքներով բեռնված 10 տանկեր Բաբ Ալ-Հավա անցակետով տեղափոխել են Իդլիբ և տեղակայել դրա հարավային հատվածներում՝ մասնավորապես Ջաբալ Ալ-Զավիյայում:
Նշենք, որ ավելի վաղ՝ նոյեմբերի 26-ին Թուրքիան կրկին լրացուցիչ զինամթերքով բեռնված 10 բեռնատարներ էր տեղափոխել Իդլիբի ապառազմականացված գոտի՝ մասնավորապես Թաֆթանազ օդանավակայան և Ալ-Մասթունա ճամբար, որտեղ տեղակայված են թուրքական զինված ուժերը:
Հետևեք մեզ տելեգրամում
