Սաուդյան Արաբիայի արտաքին գործերի նախարար Ֆայսալ բըն Ֆարհանը հայտարարել է, որ Իրանի միջուկային ծրագրի շուրջ Վիեննայի բանակցությունները միտված չեն դրական ելքի՝ պնդելով, որ «Իրանի կոշտ դիրքորոշումը» խոչընդոտում է բանակցությունների նախորդ փուլերում ձեռք բերված պայամանավորվածությունների կատարմանը:
«Մենք ուզում ենք երկարաժամկետ և համապարփակ միջուկային համաձայնագիր Իրանի հետ և հույս ունենք, որ բանակցությունները հաջողություն կունենան»,- ասել է սաուդ արտգործնախարարը Պարսից ծոցի համագործակցության խորհրդի 42-րդ գագաթաժողովի շրջանակներում մամուլի ասուլիսի ժամանակ:
«Մենք ուզում ենք բնականոն հարաբերություններ ունենալ Իրանի հետ, և դա Թեհրանից է կախված»,- ավելացրել է Ֆահրանը:
Նրա խոսքով՝ Վիեննայի բանակցություններում Իրանի «կոշտ դիրքորոշումը» անհանգստացնող է:
Հիշեցնենք, որ Իրանի միջուկային գործարքի շուրջ Վիեննայի բանակցությունները վերսկսվել են նոյեմբերի 29-ին: Բանակցություններին ԱՄՆ-ը չի մասնակցել, քանի որ նախկին նախագահ Դոնալդ Թրամփը 2018 թվականի մայիսին դուրս էր եկել, այդ գործարքից: Իրանն, իր հերթին, սկսել է հրաժարվել գործարքի որոշակի կետերի կատարումից:
Հետևեք մեզ տելեգրամում
