Դեկտեմբերի 21-ին Ադրբեջանի նախագահ Իլհամ Ալիևն հանդիպել է Վրաստանի պաշտպանության նախարար Ջուանշեր Բուրչուլաձեի հետ։ Այս մասին հայտնում է Ադրբեջանի նախագահի մամուլի ծառայությունը։
Հանդիպմանը գոհունակություն է արտահայտվել տարբեր ուղղություններով, այդ թվում՝ ռազմական համագործակցության ոլորտում վրաց-ադրբեջանական երկկողմ բարեկամական հարաբերությունների զարգացման կապակցությամբ։
Վրաստանի պաշտպանության նախարարը նշել է, որ տարածաշրջանի կայունության պահպանման համար Ադրբեջանը կարևոր դեր ունի: Այս համատեքստում նա Ալիևին է ներկայացրել Վրաստանի վարչապետ Իրակլի Ղարիբաշվիլիի առաջարկը. Հարավային Կովկասում կայունության ապահովման համար մեկնարկել «հարևան երկրների խաղաղության նախաձեռնությունը»:
Հիշեցնենք, որ Նյու Յորքում կայացած ՄԱԿ-ի Գլխավոր ասամբլեայի 76-րդ նստաշրջանի ժամանակ Վրաստանի վարչապետ Իրակլի Ղարբաշվիլին առաջարկել էր ստեղծել «հարևան երկրների խաղաղության նախաձեռնությունը»՝ տարածաշրջանի կայունության ապահովման համար:
Հետևեք մեզ տելեգրամում
