Սիրիայի հարցերով Աստանայի բանակցությունների 17-րդ փուլի ավարտին մամուլի ասուլիսի ժամանակ Ռուսաստանի հատուկ ներկայացուցիչ Ալեքսանդր Լավրենտևը հայտարարել է, որ Թուրքիայի զինված ուժերը դուրս են գալու Սիրիայից առաջին իսկ հնարավորության դեպքում:
«Մեր թուրք գործընկերները մեզ տեղեկացրել են, որ աջակցում են Սիրիայի տարածքային ամբողջականությանն ու անկախությանը, նրանց զինված ուժերը այդտեղ գտնվում են ժամանակավորապես և դուրս են բերվելու անմիջապես, երբ դա հնարավոր կլինի իրականացնել»,- ասել է ՌԴ ներկայացուցիչը, գրում է ТАСС-ը:
Ավելի վաղ հաղորդվել էր, որ Ռուսաստանի և Թուրքիայի ռազմական ոստիկանությունը համակարգված պարեկություն էին իրականացրել Հալեպում:
Հետևեք մեզ տելեգրամում
