ԱՄՆ-ի գլխավորած միջազգային կոալիցայի զինված ուժերի դուրսբերման գործընթացն ավարտվել է: Երկրում մնալու են միայն օտարերկրյա ռազմական խորհրդատուները: Այս մասին հաղորդում է իրաքյան INA լրատվական գործակալությունը:
«Օտարերկրյա զինված ուժերի առաքելությունն Իրաքում ավարտված է: Երկրում մնացել են միայն սահմանափակ թվով զինված ուժեր, որոնց պարտականությունը խորհրդատվություն տրամադրելն է»,- դեկտեմբերի 23-ին հայտարարել է Իրաքի ԶՈՒ միացյալ շտաբի հատուկ ներկայացուցիչ Թահսին Ալ-Խաֆաջին:
Նշենք, որ 2014 թվականից ի վեր Իրաքում տեղակայված էր երեք հազար զինծառայողներից բաղկացած միջազգային կոալիցիա, որոնցից 2500-ը ամերիկացիներ էին: Նրանք Իրաքում պայքարում էին «Իսլամական պետություն» ահաբեկչական կազմակերպության դեմ: Կոալիցիան կարևոր դեր է խաղացել ԻՊ-ին պարտության մատնելու գործում: Սակայն ԻՊ-ն Իրաքի տարբեր հատվածներում դեռևս ունի ցանցեր և պարբերաբար իրականացնում է հարձակումներ:
Հետևեք մեզ տելեգրամում
