Իսրայելը ավիահարվածներ է հասցրել Սիրիային՝ թիրախավորելով մայրաքաղաք Դամասկոսը: Այս մասին հայտնում է սիրիական SANA լրատվական գործակալությունը:
Գործակալության տվյալներով՝ երկուշաբթի տեղական ժամանակով ժամը 3:05-ի սահմաններում Իսրայելի ռազմաօդային ուժերը Բեյրութի մոտակայքում թռչող հրթիռներից հարվածներ են հասցրել Սիրիային՝ թիրախավորելով Դամասկոսի մերձակայքում գտնվող որոշ վայրեր։ Սիրիայի ՀՕՊ-ը խոցել է արձակված որոշ հրթիռներ:
Հարձակումը պատճառել է միայն նյութական վնաս: Այլ տուժածների մասին մանրամասներ չի ներկայացվել:
Հիշեցնենք, որ 2020 թվականի դեկտեմբերին Իսրայելի ռազմաօդային ուժերը երկու անգամ հրթիռակոծել էին Լաթաքիայի առևտրային նավահանգիստը: Հատկանշական է, որ Լաթաքիան Սիրիայում գտնվող ռուսական զինված ուժերի համար կարևոր տարածք է, քանի որ դրա մոտակայքում է գտնվում Հմեյմիմի ռազմաօդային ռուսական բազան:
Հետևեք մեզ տելեգրամում
