Փետրվարի 2-ին Իսրայելի պաշտպանության նախարար Բեննի Գանցը պաշտոնական այցով ժամանել է Բահրեյնի թագավորություն:
Գանցը Բահրեյնում հանդիպելու է թագավոր Համադ բըն Իսա Ալ-Խալիֆայի, վարչապետ և թագաժառանգ Սալման բըն Համադ Ալ-Խալիֆայի և այլ պաշտոնատար անձանց հետ:
Նախատեսվում է, որ պաշտոնական այցի ընթացքում կողմերը ստորագրելու են անվտանգության ոլորտին առնչվող համաձայնագրեր:
Հատկանշական է, որ, անվտանգության նկատառումներից ելնելով, Գանցի այցը գաղտնի էր պահվում մինչև Մանամայի օդանավակայանում վայրէջք կատարելը:
Նշենք, որ 2020թ.-ին ԱՄՆ միջնորդությամբ Բահրեյնը և Իսրայելը կարգավորել են հարաբերությունները «Աբրահամյան արձանագրությունների» ներքո: Իսկ Իսրայելի արտգործնախարար Յաիր Լապիդը սեպտեմբերի 30-ին մեկնել էր Բահրեյն՝ մասնակցելու Մանամայում Իսրայելի դեսպանատան բացման արարողությանը:
Հետևեք մեզ տելեգրամում
