Իրաքյան «Ալվիյաթ ալ-վաադ ալ-հակ» խմբավորումը (թարգմ.՝ «Ճշմարիտ խոստման բրիգադ») ստանձնել Է ԱՄԷ-ի տարածքի վրա անօդաչուների կիրառմամբ իրականացված հարձակման պատասխանատվությունը: Այս մասին գրում է Aljazeera-ն՝ հղում կատարելով Եմենի հուսիների «Անսար Ալլահ» շարժմանը պատկանող մեդիա կենտրոնին:
Խմբավորումը իր տարածած հայտարարության մեջ նշել է, որ շարունակելու են հարվածներ հասցնել ԱՄԷ-ին այնքան ժամանակ, «մինչև այն դադարեցնի միջամտությունը տարածաշրջանի երկրների, մասնավորապես՝ Եմենի և Իրաքի գործերին»։ Խմբավորումը սպառնացել է, որ հաջորդ հարվածները «կլինեն ավելի դաժան ու ցավոտ»։
Նշենք, որ ԱՄԷ-ի պաշտպանության նախարարությունը փետրվարի 2-ին հայտնել էր, որ այդ երկրի ՀՕՊ-ը 3 անօդաչու թռչող սարք է խոցել , որոնք նույն օրվա լուսադեմին ներթափանցել էին երկրի օդային տարածք։ Նախարարության տվյալներով՝ տուժածներ չեն եղել, իսկ խոցված անօդաչուները ընկել են ոչ բնակելի հատվածներում:
Հետևեք մեզ տելեգրամում
