Փետրվարի 6-ին կայացել է ԱՄՆ նախագահ Ջո Բայդենի և Իսրայելի վարչապետ Նաֆթալի Բենեթի հեռախոսազրույցը։ Կողմերը քննարկել են Իրանի միջուկային ծրագրին, «Իսլամական պետություն» ահաբեկչական կազմակերպության դեմ իրականացվող արշավին և ուկրաինական ճգնաժամին առնչվող մի շարք հարցեր։
Ուշագրավ է, որ Բենեթի՝ վարչապետի պաշտոնը ստանձնելուց հետո սա երրորդ հեռախոսազրույցն է երկու երկրների ղեկավարների միջև։ Բենեթը հրավիրել է ԱՄՆ նախագահին այցելել Իսրայել, իսկ վերջինս ընդունել է հրավերը՝ նշելով, որ այցը կկայանա այս տարի։
«Նախագահը վարչապետին շնորհակալություն Է հայտնել Իսրայել այցելելու՝ նրա հրավերի համար և ասել Է, որ անհամբերությամբ սպասում Է այցին այս տարի ավելի ուշ»,- ասված է Սպիտակ տան մամուլի ծառայության հաղորդագրության մեջ։
Նշվում է, որ հեռախոսազրույցի թեմարներից մեկն Է դարձել Սիրիայում «Իսլամական պետություն» ահաբեկչական կազմակերպության պարագլուխ Աբու Իբրահիմ Ալ-Հաշիմի Ալ-Կուրեյշիի սպանության՝ ԱՄՆ-ի զինված ուժերի իրականացրած գործողությունը:
«(ԱՄՆ-ի) նախագահն ընդգծել Է Մերձավոր Արևելքում կայունության և գործընկերության ամրապանդման՝ իր հանձնառությունը»,- նշված Է հաղորդագրության մեջ:
Հետևեք մեզ տելեգրամում
