Սիրիայում անվտանգությունն ապահովելու միակ միջոցը սիրիական պետության կողմից իր ողջ տարածքի նկատմամբ վերահսկողության վերականգնումն է: Այս մասին հայտարարել է ՌԴ ԱԳՆ ներկայացուցիչ Մարիա Զախարովան՝ կոչ անելով հետաքննել ԱՄՆ ԶՈՒ-ի կողմից ԻՊ-ի առաջնորդին սպանելու գործողության ժամանակ խաղաղ բնակիչների սպանությունը:
Զախարովան մեկնաբանել է նաև «Իսլամական պետություն» ահաբեկչական կազմակերպության առաջնորդ Ալ-Կուրայշի սպանության մասին Վաշինգտոնի հայտարարությունը: Նա մասնավորապես նշել է, որ Իդլիբում ԻՊ-ի առաջնորդի թաքնվելը «ևս մեկ ապացույց է, որ այս տարածքը չի վերահսկվում Սիրիայի Արաբական Հանրապետության իշխանությունների կողմից, և դեռ օգտագործվում է միջազգային ահաբեկիչների կողմից որպես ապահով ապաստարան»:
Ինչ վերաբերում է ամերիկյան ԶՈՒ-ի ձեռնարկած գրոհի ընթացքում խաղաղ բնակիչների սպանության մասին տեղեկություններին՝ Զախարովան ասել է, որ դա պահանջում է «զգույշ հետաքննություն»՝ կոչ անելով ճշգրիտ ստուգել թիրախները քաղաքացիական զոհերից խուսափելու համար:
Հետևեք մեզ տելեգրամում
