Փետրվարի 6-ին կայացել է Իսրայելի նախագահ Իցխակ Հերցոգի և Թուրքիայի նախագահ Ռեջեփ Էրդողանի հեռախոսազրույցը։ Կողմերը քննարկել են Իսրայելի նախագահի հնարավոր այցի հետ կապված մանրամասները։
Իսրայելի նախագահի աշխատակազմի մամուլի ծառայությունը հայտնել է, որ հեռախոսազրույցի ընթացքում Հերցոգը շուտափույթ ապաքինում է մաղթել կորոնավիրուսի «Օմիկրոն» տեսակի շտամով վարակված Էրդողանին ու նրա կնոջը:
Ավելի վաղ Թուրքիայի նախագահը հայտարարել էր, որ Հերցոգը Անկարա է մեկնելու մարտի կեսերին։ Իսրայելական կողմը չի հաստատել այս տեղեկությունը, իսկ Հերցոգի խոսնակը հրաժարվել էր մեկնաբանել Էրդողանի այդ հայտարարությունը։
Հետևեք մեզ տելեգրամում
