Թուրքիան սիրիացի վարձկանների նոր խումբ է ուղարկել Լիբիա ՝ ի հակադրություն այդ երկրից օտարերկրյա բոլոր ուժերի դուրս բերելու միջազգային պահանջներին։
Մարդու իրավունքների սիրիական դիտարանը (SOHR) մանրամասնել է, որ սիրիացի 150 վարձկանների նոր խումբ է ժամանել Լիբիա, որոնց մեծ մասը Թուրքիայի դաշնակից «Սիրիական ազգային բանակի» խմբավորման «Մուհամմադ Ալ-Ֆաթահ բրիգադից» է։
Դիտարանի տեղեկություններով՝ այդ վարձկանները 250 ամերիկյան դոլարի չափով գումարներ են վճարել իրենց ղեկավարներին, որպեսզի նրանց ներառեն այն խմբավորումների շարքերում, որոնք Հալեպի Աֆրին շրջանից (որը գտնվում է Թուրքիայի և նրան հավատարիմ սիրիական զինված խմբավորումների վերահսկողության տակ) շարժվում են դեպի Լիբիա։
Ուշագրավ է, որ օրեր առաջ Թուրքիան վերսկսեց սիրիացի վարձկանների տեղափոխումը Լիբիա հունվարի 27-ի կարճատև դադարից հետո։ Վարձկանների տեղափոխումը դեռ պետք է տեղի ունենար հունվարի 30-ին։ Իսկ անցյալ ուրբաթ դիտարանը հաստատել էր, որ մոտ 250 վարձկաններ վերադարձել են թուրքական վերահսկողության ներքո գտնվող տարածքներ։ Քանի որ նրանք երկար ժամանակ են անցկացրել Լիբիայում, այժմ տեղափոխվել են Սիրիայի հյուսիս։ Նշվում է, որ նրանք պատկանում են այսպես կոչված «Սիրիայի ազգային բանակ» խմբավորմանը։
Նշենք, որ Լիբիայում դեռ կան մոտավորապես 7000 սիրիացի վարձկաններ։ Չնայած վարձկանների և օտարերկրյա ուժերի դուրսբերման միջազգային կոչերին՝ Թուրքիան պնդում է, որ իր ներկայությունն այդ երկրում օրինական է։ Ըստ թուրքական կողմի՝ նրաց ուժերը չպետք է դիտարկվեն որպես օտարերկրյա ուժեր, քանի որ Լիբիայի և Թուրքիայի միջև 2019 թվականի նոյեմբերի 27-ին կնքվել է փոխըմբռնման հուշագիր՝ ռազմական և անվտանգության ոլորտում, համաձայն որի՝ թուրքական ԶՈՒ-ն տեղակայվել է այդ երկրում։
Հետևեք մեզ տելեգրամում
