Թուրքական հետախուզությունը բացահայտել է, որ իրանական լրտեսական ցանցը ծրագրում էր սպանել իսրայելցի բիզնեսմենի: Այս մասին գրում է The Times of Israel-ը՝ հղում կատարելով թուրքական լրատվամիջոցներին:
Կայքը գրում է, որ իրանական լրտեսական ցանցի կազմում եղել են ինը թուրք և իրանցի գործակալներ, որոնք պետք է սպանեին թուրք-իսրայելցի գործարար Յաիր Գելլերին: Նա ապրում է Ստամբուլում և ունի ինժեներական ընկերություն, որը մասնագիտացած է օդատիեզերական տեխնոլոգիաների ոլորտում:
Կայքը տեղեկացնում է, որ լրտեսական խումբը տևական ժամանակ հետևում էր Գելլերին մինչև նրա տուն և աշխատավայր:
Սակայն թուրքական ոստիկանությունը ձերբակալել է ցանցի ութ անդամներին։ Թուրքիայում բացահայտված ցանցի ղեկավարը իրանցի Մոշթաղ Բիղուզն է։ Կասկածյալներին մեղադրանք է առաջադրվել:
Ուշագրավ է, որ վերջին շրջանում թուրք-իսրայելական հարաբերություններում նկատվում է զգալի ջերմացում: Օրեր առաջ Էրդողանը հայտարարել էր, որ մարտի կեսերին Իսրայելի նախագահ Իցխակ Հերցոգն այցելելու է Անկարա: Իսկ Իսրայելի արտգործնախարար Յաիր Լապիդը մասնակցելու է Անթալիայում կայանալիք դիվանագիտական ֆորումին:
Հետևեք մեզ տելեգրամում
