«Օրբելի» կենտրոնի փորձագետ, քաղաքագետ Նարեկ Ադամյանը Կատարում Դոհայի Կոնֆլիկտաբանության կենտրոնում, (Center for Conflict and Humanitarian Studies) դասախոսություն է կարդացել «Լեռնային Ղարաբաղի հակամարտություն. առկա իրադրություն և հնարավոր զարգացումներ» թեմայով:
Ինչպես փաստում է քաղաքագետը, սա առաջին դեպքն է, երբ հայ-կատարական հարաբերությունների շրջանակներում հնարավորություն է ստեղծվում նման դասախոսություն կարդալ:
Նա նշել է, որ միջոցառմանը ներկա էին Թուրքիայի և Ադրբեջանի դեսպանատների,ինչպես նաև տեղի սփյուռքի ներկայացուցիչներ, որոնց հետ հարցուպատասխանի ընթացքում Ադամյանը ներկայացրել է թեմայի վերաբերյալ իր հետևյալ մոտեցումները.
- Հակամարտությունը չի ավարտվել, քանի դեռ լուծված չէ Արցախի կարգավիճակի հարցը
- Բաքվում պահվող հայ գերիների անհապաղ վերադարձը քաղաքական քննարկումներում սակարկման թեմա լինել չեն կարող
- Ադրբեջանում հայատյացության՝պետական մակարդակով քարոզը խոչընդոտում է երկու երկրների հասարակությունների միջև լարվածության թուլացմանը:
- Հայաստանը պատրաստակամ է սկսել Թուրքիայի հետ առանց նախապայմանների երկխոսության և հարաբերությունների կարգավորման գործընթաց:
Հետևեք մեզ տելեգրամում
