Իսրայելն աջակցելու է ՄԱԿ-ի Գլխավոր Ասամբլեայի բանաձևին, որը դատապարտում է ՌԴ-ի կողմից Ուկրաինայում իրականացվող ռազմական օպերացիան և կոչ է անում անհապաղ դադարեցնել ռազմական գործողությունները: Այս մասին փետրվարի 27-ին հայտարարել է վարչապետ Նաֆթալի Բեննեթը:
Ynet լրատվական կայքը կիրակի հայտնել է, որ վարչապետ Նաֆթալի Բենեթն իր աշխատակազմին հայտնել էր, որ Իսրայելն իսկապես աջակցելու է Գլխավոր ասամբլեայի բանաձևին:
Նշենք, որ Անվտանգության խորհուրդը կիրակի քվեարկել էր Գլխավոր ասամբլեայի արտակարգ նիստ գումարել, որպեսզի քննարկեր ՌԴ-ի կողմից Ուկրաինայում իրականացվող ռազմական օպերացիան:
Թեև Գլխավոր ասամբլեայի բանաձևերը պարտավորեցնող չեն, դրանք ունեն քաղաքական կշիռ, ուստի ԱՄՆ-ը ձգտում է հիմնվել այն 100 երկրների աջակցության վրա, որոնք քվեարկել են Ռուսաստանին դատապարտելու օգտին՝ 2014 թվականին Ղրիմի բռնակցման պատճառով:
Հետևեք մեզ տելեգրամում
