Սիրիան դեմ է քվեարկել Ուկրաինայի շուրջ ՄԱԿ-ի Գլխավոր ասամբլեայի կողմից ընդունված բանաձևի նախագծին՝ ավելացնելով, որ այն արտահայտում է քաղաքական քարոզչության վրա հիմնված կողմնակալ մեթոդներ:
«Բանաձևի նախագծի հեղինակները հավատարիմ են մնացել Ռուսաստանի Դաշնության հանդեպ թշնամական խոսքին, որն էլ թիրախավորում է նրա ազգային անվտանգության դեմ ուղղված սպառնալիքից իր ժողովրդին ու հողերը պաշտպանելու օրինական դիրքորոշումն ու իրավունքը»,- հայտարարել է ՄԱԿ-ում Սիրիայի մշտական ներկայացուցիչ Բասամ Սաբաղը Գլխավոր ասամբլեայի արտահերթ նիստի ժամանակ:
Նա ավելացրել է, որ այս նախագիծը «խնդրին իրական լուծում գտնելու» համար չէ: Ըստ նրա՝ նախագծի նպատակն է Ռուսաստանին թույլ ներկայացնելը և մեդիա արշավների միջոցով նրա կերպարը անարգելն է:
«Սիրիան դեմ է քվեարկում այս նախագծին և մերժում է արևմտյան քաղաքականության հեգեմոնիան»,- ասել է Սաբաղը:
Հետևեք մեզ տելեգրամում
