Իրանից Հայաստան արտահանաման ծավալը կազմում է շուրջ 500 մլն դոլար, ինչը հնարավոր կլինի հասցնել 1 միլիարդ դոլարի։ Այս մասին «IRNA»-ի փոխանցմամբ հայտարարել է Իրանի արդյունաբերության, հանքերի և առևտրի նախարար Ռեզա Ֆաթեմի Ամինին՝ Հայաստան կատարած այցի ժամանակ:
Իրանցի նախարարը շեշտել է, որ Հայաստանի հետ տնտեսական հարաբերությունների նկատմամբ երկու մոտեցում կա. մի մոտեցումը առնչվում է բուն հայկական շուկային, մյուսը՝ Հայաստանի միջոցով դեպի այլ երկրների, այդ թվում՝ Ռուսաստան, Կովկաս, Եվրոպա և մասնավորապես ԵԱՏՄ շուկաներ մուտք գործելու հնարավորությանը:
Ըստ Ամինիի՝ հայ գործընկերների հետ հանդիպումներում երկուստեք կարևորվել է Իրան-Հայաստան ներդրումների աճը, մասնավորապես՝ տեխնոլոգիական ոլորտում։
Քննարկվել է նաև Հայաստանում կենցաղային տեխնիկայի արտադրություն հիմնելու հարցը:
Հետևեք մեզ տելեգրամում
