Սաուդյան Արաբիայի թագաժառանգ, փոխվարչապետ և պաշտպանության նախարար, արքայազն Մուհամմադ բըն Սալմանը հեռախոսազանգ է ստացել Ռուսաստանի նախագահ Վլադիմիր Պուտինից:
Հեռախոսազրույցի ընթացքում քննարկվել են երկկողմ հարաբերությունները և տարբեր ոլորտներում դրանք ընդլայնելու ուղիները:
Զրուցակիցները մտքեր են փոխանակել նաև միջազգային մի շարք խնդիրների շուրջ: Անդրադառնալով ուկրաինական ճգնաժամին՝ թագաժառանգն ընդգծել է, որ թագավորությունն աջակցում է ճգնաժամին քաղաքական լուծում գտնելու ջանքերին, որն էլ հանգեցնելու է կայունության և անվտանգության ապահովման:
Մուհամմադ բըն Սալմանը նշել է, որ թագավորությունը պատրաստ է միջնորդի դեր ստանձնել կողմերի միջև:
Ինչ վերաբերում է էներգետիկ շուկաներին՝ թագաժառանգը վերահաստատել է, որ Սաուդյան Արաբիան ձգտելու է պահպանել նավթի շուկայի հավասարակշռությունն ու կայունությունը:
Հետևեք մեզ տելեգրամում
