Բաղդադում Ֆրանսիայի դեսպանատունը հաստատել է, որ Փարիզը մտադիր է զարգացնել Իրաքի հետ հարաբերությունները սպառազինության և ռազմատեխնիկայի բնագավառում: Այս մասին գրել է իրաքյան INA լրատվական գործակալությունը:
Դեսպանատան ռազմական կցորդ Ֆուադ Ալ-Խաթիբն ընդգծել է, որ Իրաքը նախկինում օգտագործել է ֆրանսիական սարքավորումներ, ինչպիսիք են «Mirage F1» ինքնաթիռները, ռադարները և «Laurent» հակաօդային պաշտպանության համակարգը:
Նա նաև հայտարարել է, որ Իրաքի և Ֆրանսիայի միջև համագործակցությունը հատկապես քաղաքական շրջանակներում վերջին օրերին շատ կարևոր է:
Ալ-Խաթիբը նշել է, որ երկու կողմից էլ լիակատար պատրաստակամություն կա զարգացնել հարաբերությունները սպառազինության և ռազմատեխնիկայի բնագավառում:
Ավելի վաղ տեղեկացրել էինք, որ Իրաքը նախատեսում է ուժեղացնել իր պաշտպանունակությունը օդային և ցամաքային ոլորտներում՝ Ֆրանսիայից ձեռք բերելով անօդաչու թռչող սարքեր, տանկեր, ինչպես նաև մի քանի պաշտպանական համակարգեր:
Հետևեք մեզ տելեգրամում
