Իրանը հայտարարել է սեփական հեռահար անօդաչու թռչող սարքերի և հակատանկային հրթիռների ստեղծման մասին: Տեղեկությունը հաղորդել է իրանական ISNA լրատվական գործակալությունը:
Գործակալության տվյալներով՝ Իրանի Իսլամական Հանրապետության բանակի ցամաքային զորքերի հրամանատար գեներալ Քիոմարս Հեյդարին երկուշաբթի հայտնել է, որ նոր արտադրված զինատեսակները կցուցադրվեն մոտ ապագայում՝ մինչև մայիսի 24-ը։
«Այդ անօդաչու թռչող սարքերը ունակ են հատուկ առաջադրանքներ կատարել տարբեր կլիմայական գոտիներում։ Հանրությանը կներկայացվեն նաև տարբեր հակատանկային հրթիռներ՝ հագեցած ժամանակակից ուղղորդման համակարգերով»,- հայտնել է իրանցի հրամանատարը:
Հետևեք մեզ տելեգրամում
