ԱՄՆ պետքարտուղար Էնթոնի Բլինկենը հաջորդ շաբաթ այցելելու է Իսրայել և Պաղեստին: Տեղեկությունը հայտնում է իսրայելական «Ynet» լրատվամիջոցը:
Հաղորդվում է, որ Բլինկենը հանդիպելու է Իսրայելի վարչապետ Նաֆթալի Բեննեթի, արտգործնախարար Յաիր Լապիդի և Պաղեստինյան ինքնավարության նախագահ Մահմուդ Աբբասի հետ:
Լրատվամիջոցի տեղեկություններով՝ քննարկվելու են միջազգային մի շարք հիմնահարցեր, մասնավորապես Իրանի հետ միջուկային համաձայնության հասնելու խնդիրը, Իսլամական հեղափոխության պահապանների կորպուսի (ԻՀԿՊ-ի)՝ ահաբեկչական կազմակերպությունների ցանկից հանելը, ուկրաինական ճգնաժամը, ինչպես նաև իսրայելա-պաղեստինյան հակամարտության առնչվող հարցեր:
Հետևեք մեզ տելեգրամում
