Իրաքն ընդունել է Թուրքիայում անցկացվելիք EFES-2022 զորավարժություններին մասնակցելու հրավերը: Տեղեկությունը հայտնում է իրաքյան INA լրատվական գործակալությունը՝ հղում կատարելով պաշպանության նախարարության տարածած հաղորդագրությանը:
Հաղորդագրության մեջ ասվում է, որ «այսօր Իրաքի պաշտպանության նախարար Ջումա Ինադ Սաադունը նախարարությունում ընդունել է Իրաքում Թուրքիայի ռազմական կցորդ Քոֆթ Օքսթին և նրան ուղեկցող պատվիրակությանը»:
Նշվում է, որ «ռազմական կցորդը Թուրքիայի պաշտպանության նախարար Հուլուսի Աքարի հրավերն է փոխանցել իրաքցի նախարարին՝ մասնակցելու EFES-2022 զորավարժություններին, որոնք անցկացվելու են այս տարի հունիսին»:
Հաղորդվում է, որ Իրաքի պաշտպանության նախարարն ընդունել է թուրք պաշտոնակցի հրավերը:
Ավելի վաղ տեղեկացրել էինք, որ Թուրքիայում անցկացվելու են EFES-2022 զորավարժությունները, որոնց մասնակցելու են նաև ադրբեջանցի զինվորականները:
Հետևեք մեզ տելեգրամում
