Այսօր՝ վաղ առավոտյան, Լիբանանում պայթյուն է տեղի ունեցել, որի հետևանքով մահացել է մեկ մարդ, վիրավորվել ևս 7-ը:
Լիբանանյան ԶԼՄ-ները հաղորդում են, որ պայթյունը տեղի է ունեցել Սիդոն նավահանգստի մերձակայքում գտնվող Բանաաֆուլ քաղաքում: Պատահարի հետևանքով ավերվել է Բանաաֆուլի քաղաքապետարանի շենքը և «Ամալ» շարժման հետախուզական կենտրոնը: Նյութական վնաս է հասցվել նաև հարակից շենքերին և մեքենաներին: Պատահարի պատճառը դեռևս անհայտ է:
Պաշտոնյաներից մեկը, ով մնացել է անանուն, հայտնել է, որ պայթյունը կարող էր տեղի ունենալ շենքի ներսում պահեստավորված դիզելային վառելիքի պատճառով:
Հաղորդվում է, որ մահացածը քաղաքապետի որդին էր։
Հետևեք մեզ տելեգրամում
