Թեհրանում կայացել է Իրաքի արտգործնախարար Ֆուադ Հուսեյնի և Իրանի ԱԳ նախարար Ամիր Աբդոլլահիանի հանդիպումը:
Պաշտոնյաները քննարկել են երկկողմ հարաբերություններին և տարածաշրջանային զարգացումներին, այդ թվում՝ Եմենին, Աֆղանստանին, Ուկրաինային առնչվող հարցեր:
Իրանի արտգործնախարար Հոսեյն Ամիր Աբդոլլահիանը բարձր է գնահատել Իրաքի միջնորդությունն՝ ուղղված Թեհրանի և Ռիյադի միջև երկկողմ հարաբերությունների վերականգնմանը:
Հանդիպմանն Աբդոլլահիանն ընդգծել է, որ Իրանը չի կարող ընդունել, որ իր սահմանների հարևանությամբ ԱՄՆ-ն, «սիոնիստական ռեժիմը, ահաբեկչական և անջատողական տարրերը» սպառնան իր անվտանգությանը:
Իր հերթին Իրաքի արտգործնախարար Ֆուադ Հուսեյնը նշել է, որ Բաղդադի և Թեհրանի անվտանգությունը փոխկապակացված են միմյանց, և Իրաքը թույլ չի տա, որ իր տարածքից հարևանների նկատմամբ սպառնալիք ձևավորվի:
Երկկողմ հանդիպման ընթացքում Ֆուադ Հուսեյնն անդրադարձել է նաև սիրիական ճգնաժամին՝ ընդգծելով, որ «Սիրիայի կայունությունը չափազանց կարևոր է Իրաքի համար»:
Հետևեք մեզ տելեգրամում
