Իսրայելի ռամզաօդային ուժերը հրթիռային հարվածներ են հասցրել Դամասկոսին: Տուժածներ չկան: Տեղեկությունը հաղորդում է սիրիական SAN լրատվամիջոցը:
«Իսրայելն օդային գրոհ է ձեռնարկել օկուպացված սիրիական Գոլանից՝ թիրախավորելով Դամասկոսի արևմտյան արվարձաններում գտնվող մի շարք դիտակետեր»,- հայտնում է SANA-ն՝ վկայակոչելով ռազմական աղբյուրներին։
Լրատվամիջոցի տեղեկություններով՝ Սիրիայի հակաօդային պաշտպանությունը խոցել է արձակված հրթիռների մեծ մասը: Մարդկային կորուստներ չկան, պատճառվել է միայն նյութական վնաս։
Ավելի վաղ Սիրիայի պետական հեռուստատեսությունը հայտնել էր, որ մայրաքաղաք Դամասկոսում պայթյուններ են հնչել:
Ուշագրավ է, որ ըստ Մարդու իրավունքների սիրիական դիտարանը (SOHR)՝ իսրայելական զինված ուժերի թիրախում եղել են Դամասկոսի հարավ-արևմտյան գյուղերում գտնվող այն «ռազմական օբյեկտները», որտեղ Իրանի իսլամական հեղափոխության պահապանների կորպուսը (ԻՀՊԿ) ներկայություն է պահպանում:
Հետևեք մեզ տելեգրամում
