Թուրքիայի արտգործնախարար Մևլյութ Չավուշօղլուն հաջորդ ամիս այցելելու է Իսրայել:
CNN Turk-ի հետ զրույցում Չավուշօղլուն նշել է, որ մայիսի 24-ին Թուրքիայի էներգետիկայի նախարար Ֆաթիհ Դյոնմեզի հետ կմեկնի Իսրայել և Արևմտյան ափ: Այցի ընթացքում քննարկվելու է դեսպանների նշանակման հարցը:
Ուշագրավ է, որ վերջին շրջանում իսրայելա-թուրքական հարաբերություններում նշանակալի ջերմացում է նկատվում: Հաղորդել էինք, որ երեկ կայացել էր Իսրայելի և Թուրքիայի նախագահների հեռախոսազրույցը, որի ընթացքում քննարկվել էր Երուսաղեմում և Ալ-Աքսայի մզկիթում աճող լարվածությունը:
Ավելի վաղ Էրդողանը հայտարարել էր, որ «մեծ հույս ունի» Իսրայելի հետ հասնել էներգետիկ համագործակցության և ակնկալում է այդ հարցը քննարկել Նաֆթալի Բեննեթի հետ:
Հիշեցնենք, որ երկու երկրները իրենց դեսպաններին հետ էին կանչել դեռևս 2018-ին: Երկկողմ տարաձայնությունների պատճառներից էր Գազայի հատվածը ղեկավարող ՀԱՄԱՍ-ի զինյալներին թուրքական աջակցության տրամադրումը:
Հետևեք մեզ տելեգրամում
