Իրանի արտգործնախարար Հոսեյին Ամիր Աբդոլլահիանը ՄԱԿ-ի գլխավոր քարտուղարին, Իսլամական համագործակցության կազմակերպության գլխավոր քարտուղարին և իսլամական երկրների ատգործնախարարներին հղած առանձին նամակներում քննադատել է Պաղեստինի ժողվորդի դեմ Իսրայելի գործողությունների նկատմամբ միջազգային հանրության և որոշ կառավարությունների երկակի մոտեցումը։ Տեղեկությունը փոխանցում է իրանական IRNA լրատվամիջոցը:
Աբդոլլահիանը, մատնշելով միջազգային հանրության և ՄԱԿ-ի Անվտանգության խորհրդի կողմից Պաղեստինի ժողովրդի դիմադրությանն աջակցություն ցուցաբերելու անհրաժեշտությունը, կոչ է արել, որ Պաղեստինում վերջին երկու շաբաթվա ընթացքում տեղի ունեցող զարգացումները ներառվեն ՄԱԿ-ի անմիջական օրակարգում։
Նա ընդգծել է, որ տարածաշրջանում կայուն և արդար խաղաղության հաստատումը հնարավոր է միայն Պաղեստինի ամբողջական դեօկուպացիայի դեպքում։
Հետևեք մեզ տելեգրամում
