Իսրայելի արտգործնախարար Յաիր Լապիդը և ԱՄԷ-ի ԱԳ նախարար Աբդուլլահ բին Զայեդ Նահյանը հեռախոսազրույցի ընթացքում քննարկել են Երուսաղեմում Տաճարի լեռան շուրջ աճող լարվածությունը:
Զրուցակիցները միմյանց շնորհավորել են Ռամադանի և Փեսախի (հրեական Զատիկի) կապակցությամբ, ապա մտքեր են փոխանակել երկկողմ հարաբերությունների և դրանց ամրապնդման ուղիների շուրջ:
Համաձայն Իսրայելի ԱԳՆ-ի տարածած հայտարարության՝ ԱՄԷ-ի արտգործնախարարը «իր երախտագիտությունն է հայտնել իրավիճակը հանդարտեցնելու Իսրայելի ջանքերի համար»։
Երեկ տեղեկացրել էինք, որ Աբու Դաբիում Իսրայելի դեսպանը կանչվել էր ԱՄԷ-ի արտգործնախարարություն: ԱՄԷ-ի միջազգային համագործակցության հարցերով պետնախարարը Իսրայելի դեսպանին էր փոխանցել իր երկրի խիստ դժգոհությունը Երուսաղեմում և Ալ-Աքսա մզկիթում աճող լարվածության համար՝ դատապարտելով քաղաքացիների և սրբազան վայրերի նկատմամբ հարձակումները:
Նշենք նաև, որ ԱՄԷ-ն չեղարկել է իր մասնակցությունն Իսրայելի անկախության օրվա միջոցառմանը:
Հետևեք մեզ տելեգրամում
