Չիլիի ոստիկանությունը մայրաքաղաք Սանտիագոյի օդանավակայանում ձերբակալել է Պորտուգալիայի քաղաքացուն, ով հետախուզվում էր Ինտերպոլի կողմից՝ 2020 թվականին Բեյրութ նավահանգստում տեղի ունեցած պայթյունի գործով: Նա օդանավակայանից պատրաստվում էր մեկնել Մադրիդ։
Ըստ օդանավակայանի ոստիկանության աշխատակցի՝ տղամարդը մեղադրվում է Լիբանան «պայթուցիկ տարրեր» բերելու մեջ:
Հիշեցնենք, որ 2020 թվականի օգոստոսի 4-ին տեղի էր ունեցել Բեյրութի նավահանգստի հզոր պայթյուն, որի հետևանքով մայրաքաղաքում ամբողջությամբ ոչնչացվել են մի շարք թաղամասեր։ Պատճառը եղել է ամոնիումի նիտրատ պարունակող պարարտանյութը, որը հրդեհ է առաջացրել՝ տարիներ շարունակ անկանոն պայմաններում պահվելու հետևանքով:
Հետևեք մեզ տելեգրամում
