Երեկ կայացել է Իրանի և Սիրիայի արտգործնախարարներ Ֆեյսալ Միկդադի և Հոսեյն Աբդոլլահիանի հեռախոսազրույցը, որի ընթացքում քննարկվել են երկկողմ հարաբերությունները և համատեղ հետաքրքրություն ներկայացնող այլ հարցեր:
Հեռախոսազրույցի ընթացքում կողմերը մտքեր են փոխանակել տնտեսական բարձրագույն հանձնաժողովի նիստերի անցկացման շուրջ:
Սիրիայի արտգործնախարար Միկդադը գոհունակությամբ է խոսել երկկողմ հարաբերությունները զարգացման մասին՝ մատնանշելով սիրիա-իրանական տնտեսական համագործակցության ակտիվացման անհրաժեշտությունը՝ «արևմտյան պատժամիջոցներին դիմակայելու համատեքստում»:
Միկդադը Դամասկոսի և Թեհրանի միջև հարաբերությունները գնահատել է որպես պատմական, ռազմավարական և կարևորագույն՝ երկու ժողովուրդների համար:
Աբդոլլահիանն իր հերթին կարևորել է տնտեսական և առևտրային իրական գործընկերության հասնելու անհրաժեշտությունը: Նա վերահաստատել է Իրանի աջակցությունը Սիրիային՝ «արևմտյան երկրների կողմից միակողմանիորեն սահմանված պատժամիջոցների հաղթահարման համար»:
Հետևեք մեզ տելեգրամում
