«Արաբական երկրներում Հայ դատի պաշտպանության հանձնախումբը» հայտարարություն է տարածել Հայոց ցեղասպանության 107-րդ տարելիցի կապակցությամբ:
Հայտարարությունում նշվել է, որ ցեղասպանություն գործածների ժառանգները դեռևս ազատության մեջ են: Հանցագործությունը փաստացի շարունակվում է, ինչպես և շարունակվում է մարդու իրավունքների ոտնահարումը, իսկ քաղաքակիրթ աշխարհը թաքնվում է հաշտեցման և խաղաղության կեղծ կոչերի հետևում՝ խրախուսելով հանցագործներին շարունակել իրենց ոճրագործությունը՝ մոռանալով, որ նվազագույն պահանջը ցեղասպանության դեպքերը ճշգրիտ նկարագրելն է, և դրանք կատարած երկրներին պատասխանատվության ենթարկելը։
«Ցեղասպանությունը մարդկության դեմ ամենածանր հանցագործությունն է, իսկ հայ ժողովուրդը եղել և շարունակում է լինել այդ ոճրագործության զոհը»,- նշված է հայտարարությունը:
Նշենք, որ Լիբանանում Հայ դատի պաշտպանության հանձնախումբը ծաղկեպսակ է դրել Բըքերքիի պատրիարքական շենքում գտնվող «Խաչքար»-ի առջև՝ Հայոց ցեղասպանության 107-րդ տարելիցի կապակցությամբ:
Հետևեք մեզ տելեգրամում
