Այսօր Իրանի Իսլամական Հանրապետությունում Հայաստանի Հանրապետության արտակարգ և լիազոր դեսպան Արսեն Ավագյանը իր հավատարմագրերը հանձնել է Իրանի Իսլամական Հանրապետության նախագահ Էբրահիմ Ռայիսիին։ Այս մասին տեղեկանում ենք Իրանում ՀՀ դեսպանատան ֆեյսբուքյան էջից:
Ողջունելով ՀՀ դեսպանին՝ նախագահ Ռայիսին հույս է հայտնել, որ նրա գործունեության ընթացքում էական առաջընթաց կգրանցվի հարևան և բարեկամ երկու երկրների հարաբերությունների տարբեր ուղղություններում, ինչպիսիք են տնտեսական հարաբերությունները, առևտուրը և այլ ոլորտները։
Իր հեթին դեսպան Ավագյանը նշել է, որ առավելագույն ջանքեր կգործադրի երկու երկրների հարաբերությունների շարունակական զարգացման ուղղությամբ։
ՀՀ դեսպանն ընդգծել է, որ Հայաստանի Հանրապետությունը բարձր է գնահատում Իրանի սկզբունքային դիրքորոշումը տարածաշրջանի երկրների տարածքային ամբողջականության և սահմանների անխախտելիության հարցում:
Հետևեք մեզ տելեգրամում
