Լիբանանի բանակը հայտարարել է, որ Տրիպոլիում 5 մարդ է ձերբակալվել, ովքեր փորձել են անօրինական կերպով 85 գաղթականների նավով տեղափոխել Եվրոպա:
Հաղորդվում է, որ մաքսանենգերը գաղթականներից հավաքել են 400 հազար ամերիկյան դոլար գումար: Նավն առգրավվել է երկրի հյուսիսում գտնվող ծովային հանգստավայրերից մեկում, իսկ ձերբակալվածները հարցաքննվում են։
Նշենք, որ օրեր առաջ ապրիլի 23-ին Տրիպոլիի ափերի մոտ ավելի քան 60 գաղթական տեղափոխող նավ էր շրջվել: Հայտնաբերվել էր 7 դիակ, փրկվել՝ 47 մարդ, իսկ մյուսները համարվում են անհետ կորած: Որոնողա-փրկարարական աշխատանքները դեռ շարունակվում են անհետ կորածներին գտնելու ուղղությամբ:
Ուշագրավ է, որ տարիներ շարունակ Լիբանանը փախստականներ ընդունող երկիր է եղել: Սակայն տնտեսական ճգնաժամի բռնկմամբ՝ հարյուրավոր լիբանանցիներ փորձել են ծովային վտանգավոր ճանապարհով գաղթել երկրից:
Հետևեք մեզ տելեգրամում
