Ուկրաինայում «Ազովի» գրոհայինների հետ իսրայելցի վարձկաններ են կռվում։ Այս մասին հայտարարել է Ռուսաստանի ԱԳՆ պաշտոնական ներկայացուցիչ Մարիա Զախարովան:
«Ես կասեմ այն, ինչը հազիվ թե կցանկանան լսել Իսրայելի այն քաղաքական գործիչները, որոնք հիմա տեղեկատվական արշավ են սկսել։ Ուկրաինայում հիմա փաստացի «Ազովի» գրոհայինների հետ կռվում են նաև իսրայելցի վարձկանները»,- ասել է Զախարովան Sputnik ռադիոկայանի եթերում։
Զախարովայի խոսքով՝ Իսրայելում չեն կարող չիմանալ այդ մասին։
Նշենք, որ օրեր առաջ Լավրովն անդրադարձել էր Վլադիմիր Զելենսկու այն հայտարարությանը, թե իր երկրում ազգայնականացում չկա, քանի որ ինքը ազգությամբ հրեա է։ Ռուս արտգործնախարարն ընդգծել էր, որ դա բացարձակապես ոչինչ չի նշանակում, քանի որ, ինչպես իմաստուն հրեա ժողովուրդն ասում է` ամենամոլի հակասեմականները, որպես կանոն, հրեաներն են:
Այս հայտարարությունը կոշտ քննադատությունների է ենթարկվել Իսրայելի քաղաքական գործիչների կողմից:
Իսրայելի արտգործնախարար Յաիր Լապիդը «աններելի» էր որակել Լավրովի հայտարարությունը՝ կոչ անելով ներողություն խնդրել հրեաներից:
Իսկ Ռուսաստանի դեսպան Անատոլի Վիկտորովն Իսրայելի ԱԳՆ էր կանչվել բացատրական զրույցի համար:
Հետևեք մեզ տելեգրամում
